new blog

Kawo Hiis Kadazandusun      H iis nopo nga iso’ asil kesusastaraan tinaru Kadazandusun. šHiis nopo nga posuaton miampai koulaalaho’  di pointantu, om  au tumanud do kooturan puralan boros. Aiso panan d atan di poimpongo. Mantad frasa  i noulud id b ontuk baris. Poomitanan : Sundait, rinait, sudawil, talaala’ om suusuai po.Slide id siriba nopo diti nga kokomoi do piipiro kawo hiis dounkadazandusun. Sundung do ingkaa nga kiwaa po kaanto hiis suai di amu po nosoriuk om amu po nokosuat  kon 😊 Isanangan tokou kawagu timpu dumontol.

Ngaran-Ngaran Wulan id Boros Kadazandusun Montok ngaran wulan id Boros Kadazandusun nopo nga   kiwaa pionitan miampai pakalajaaan tinaru Kadazandusun sabaagi momuumutanom loolobo no montok do tonomon parai .   Ngaran Do Tadau id Suang do Sominggu (7Tadau) Koburuon kalendo id koubasan mongigion Kadazandusun tradisional nopo nga popoimbulai ngaran-ngaran do tadau id suang do sominggu ii nowonsoi mantad do koburuon toiko sinunion do tongkoyumut om nogi tayam miagal ko kolibambang. Gambal id siriba nopo diti nga ngaran montok 7 tadau id suang do sominggu.  Slide Ngaran Do Tadau id Suang do Sominggu (7Tadau) Ngaran tadau-tadau id boros Kadazandusun nopo diti nga tumanud do 7 taang turugan do sunion do kolibambang mantad do tontolu morujuk montok do tadau koiso gisom do tiwang ( tadau koturu ).

Kalendo dounkadazandusun nopo nga iso sistom pongintaban timpu momoguno do tadau om wulan. Okon nopo ko sabaagi tonudon do pongintaban do tadau om monikid wulan nga kiwaa nogi poinsuang o woyo toluud tinaru Dusunik sabaagi koubasanan id kopooposion    sangangadau om nogi pamantangan do piromutan miampai id posorili.   Link id siriba milo nogi do loyogon montok momoruhang toilaan kokomoi Kalendo Kadazandusun. 😍😍  ➽ Kalender Tradisi Tinaru Kadazandusun

pamnbalajaln nunu nopo

Apasi Boros, Apasi Tinaru Boros Kadazandusun nopo nga boros di pinotungkus do komolohingan di laid kumaa dotokou . Boros Kadazandusun diti nogi nga boros sandad do tinaru Kadazan Dusun di gunoon soira mogibooboros toi mogiroromut kumaa tiso om tiso . Baino nopo di, okuri no sukod wagu di koilo mimboros boros sandad diti . Mantad dilo do mositi do gompion o boros diti mooi do au orulun tumanud do timpu mamanau.. 😍😍😍 Suai ko ii, boros nogi diti nga kopointutunan om impohon id piromutan montok toinsanan tinaru. Ingkaa nogi tinaru Kadazandusun tu haro boros do tinaru sondii. Boros Kadazandusun nopo nga kointutunan toi ko’ identiti montok do tinaru Kadazandusun. Ii no pogi nung atagak nopo boros nga atagak no o tinaru. Mantad dilo, oponsol kopio tamangan, potindohoyon om poburuon o boros Kadazandusun mooi do au atagak. Sumusuhut, montok do popoburu om manamong boros tina tinaru kadazandusun diti, haro piipiro laang i nowonsoi miagal do Boros